terça-feira, 8 de janeiro de 2008

Aliança da esquerda e o ecologismo em Itália

.
O passado 8 e 9 de dezembro celebrou-se em Itália a Assemblea nazionale della Sinistra e degli Ecologisti , auspiciada polos seguintes partidos:

A idea era superar a atomizaçom do espaço político da esquerda italiana, com o fim de artelhar umha alternativa autenticamente socialista e ecologista ao recentemente criado "Partito Democratico", de tendência já descaradamente centrista. A consequência foi a criaçom dumha nova força política de carácter a priori ecosocialista, integrada polos partidos anteriormente citados, e cujo nome é La Sinistra-l'Arcobaleno (A Esquerda -O Arco da Velha). Ficou fóra desta uniom a corrente de Rifondazione Comunista Sinistra Crítica, que abandonou o PRC, transformando-se em movemento político, e já anunciou a sua intençom de constituir um novo partido "anticapitalista, à esquerda de l'Arcobaleno".
.
Causou sorpresa, e certa polémica, a eleiçom da image gráfica da nova formaçom: abandonou-se a simbologia comunista da fouce e o martelo, de moita tradiçom na esquerda italiana, e no seu lugar adoptou-se o símbolo do arco da velha.
.
A nova organizaçom suma 93 deputados (PRC 41, SD 19, PdCI 17, Verdi 16), 46 senadores (PRC 26, SD 10, Verdi-PdCI 10) e 13 euro-parlamentários (PRC 5, SD 4, PdCI 2, Verdi 2). Pode-se consultar a página nom oficial, à espera de que apresentem umha web própia.

Desde OutraEsquerda congratulamo-nos da apariçom desta nova força política, da qual pensamos, à espera de conhecer qual será a sua evoluçom, que se atopa na linha correcta. Já que nom tem sentido, no século XXI, desligar as loitas "trabalhistas" das "ambientalistas", ao requerirem ambas dum câmbio de paradigma na mesma direcçom: a superaçom do dogma capitalista do "todo vale", a competência e a maximizaçom do benefício. Agardemos que as diferenças internas nom rematem por abortar este projecto político que julgamos moi necessário.

Um comentário:

Sr. J disse...

Pouco despois de publicar isto, saiu a nova de que os representntes de Rifondazione Comunista e Sinistra Democratica num distrito de Roma votárom a favor de que os rapazes ciganos fossem à escola em autobuses diferentes dos dos demais, a raíz de que se produciram vários incidentes (pelexas e tal). A sua moçom foi aprovada com o apoio da direita, mentres que o Partito Democratico votou em contra.

Desde OutraEsquerda, e à espera de mais informaçom, só podemos dizer... manda caralho!!! Pois si que começam bem estes "esquerdistas"... reinstaurando o Apartheid!!!