Anarquismo e Libertaçom Nacional: Kropotkin

Terceira parte da série, traduzido desde o Ateneu Virtual. Vemos agora a postura de Piotr Kropotkin, quem escrevia a Maria Korn, considerando a gravidade da «questom irlandesa» numha carta no onze de maio de 1897:

.

«Parece-me que o caráter puramente nacionalista dos movimentos de emancipaçom nacional é inexistente. Sempre hai motivos econômicos, ou é a liberdade e o respeito do indivíduo que é preciso salvaguardar. A nossa tarefa deveria de ser a de fazer aparecer os problemas econômicos. Acho, além disso, acho, despois de te-lo refletido largamente, que o fracasso dos movementos nacionais na Polônia, a Finlândia, a Irlanda, etc., residem no problema econômico. Na Irlanda, a dificuldade principal provem do feito de que os chefes do movemento, grandes propietários, igual que os ingleses, vaziárom o movemento de emancipaçom nacional do seu contido social.

.

( .. ) Parece-me que em cada um destes movementos de emancipaçom nacional se nos reserva umha tarefa importante: colocar o problema nos seus aspectos econômico e social, e isto paralelamente à luita contra a opressom estrangeira.

.

(...) Em todos os lugares onde o home se rebela contra a opressom individual, econômica, estatal, religiosa e sobre todo nacional, o nosso dever é estar a seu lado»

.

Neste texto pode-se ver claramente qual é a atitude de Kropotkin ante a opressom nacional e os movementos de liberaçom nacional. Kropotkin sabia já entom que a luita antiimperialista se formulava em termos de liberaçom nacional e de luita de classes, deduzindo que somente a vitória da classe obreira poderia resolver a questom nacional no sentido dos interesses do povo trabalhador. Kropotkin, como Bakunin, reconhecia o contido revolucionário das luitas autônomas de liberaçom nacional, nas quais achava que os libertários haviam de participar de forma totalmente ativa, plantexando a questom social, com o fim de conseguir umha verdadeira liberaçom.