quinta-feira, 8 de maio de 2008

Anarquismo e Liberaçom Nacional: Macedónia, 1903

Finalizamos assi, polo de agora, a série de textos sobre a relaçom entre anarquismo e liberaçom nacional (este texto é traduçom deste outro).
.

Mapa de Macedónia a fins do século XIX


Macedônia, 1903: umha experiência de revoluçom social e de liberaçom nacional

Já no século XIX houvo umha participaçom libertária em luitas de liberaçom nacional, como as da Bósnia e Hercegovina, e sobretodo a insurreiçom búlgara de 1876, na qual participa o famoso poeta libertário Boter. No ano seguinte, 1877, explodiu a guerra russo-turca pola qual Bulgária acedia à independência, mas por causa das pressões e os interesses do capitalismo ocidental —principalmente Inglaterra— umha parte do território búlgaro, Macedônia, foi devolta outra vez à Turquia, começando entom a luita de Macedônia contra o ocupante turco, e aparecendo tamém a "questom Macedônia", provocada polas potências europeas.

CONTINUAR LENDO...



A partir de 1893 em todas as cidades havia escolas búlgaras e começaram a formar-se as primeiras células da futura organizaçom revolucionária do interior da Macedônia, constituída em 1894-1895, sob o impulso e influência libertária: ORIMA (Organizaçom Revolucionária do Interior da Macedônia e de Adrinoble). A ORIMA constitui o seu Comitê Central em Salônica, com umha delegação no exílio, em Sófia. Os seus princípios eram dum espírito internacionalista e propunham a liberaçom nacional do seu país sometido polos turcos mediante a revoluçom.

Foi tamém importante a adesom do Cenáculo de Genebra, criado em 1898, constituído por diversos grupos anarquistas, os quais elaboram uns Estatutos do Comitê Revolucionário Segredo Macedónio e publicam um órgão deste Comitê. Tamém participaram do movimento revolucionário macedonio numerosos grupos libertários búlgaros que tiveram um papel importante na luita armada (mais de 60 mortos). A preparaçom da revoluçom dura umha dúzia de anos e acaba dando lugar à insurreiçom de Trácia Oriental e a Macedônia por agosto de 1903. Os libertários aportárom a orientaçom, os objetivos e a acçom armada. As acções armadas mudárom de tática com a contribuiçom anarquista, já que em lugar de atacar às autoridades ocupantes turcas como se fazia até entom, se ataca sobretodo as empresas de capital estrangeiro que mantinham o Império otomano.

A revoluçom preparou-se amplamente e reforçando a organizaçom através da constituiçom de grupos e comitês locais com o fim de chegar a constituir as formas de organismos sociais capazes de criar umha nova sociedade que substituísse à do ocupante turco. Formárom-se tamém novos grupos de combate, fixérom-se bombas e conseguírom-se armas do interior e de fóra; mais foi especialmente a propaganda a que tomou grandes dimensões, englobando a toda a povoaçom através de reuniões quase públicas, feitas freqüentemente nas igrejas.
.
Guerdjikov, dirigente anarquista e um dos três chefes escolhidos num congresso clandestino para dirigir a insurreiçom, organizou a partir de 1902 grupos de combate locais denominados "Grupos da Morte” que constituiríam os núcleos do futuro exército revolucionário, e tamém publicou um diário clandestino, 'Às Armas', e participou regularmente na propaganda oral nas noites na regiom da Trácia Oriental. A Insurreiçom, suscitada em agosto de 1903, derivou -ao mesmo tempo que luita de liberaçom nacional contra os turcos- em revoluçom social, que durou aproximadamente 30 dias: por primeira vez na história manifestava-se umha tentativa de liberaçom nacional com umha orientaçom de emancipaçom social, que toma um caráter plenamente libertário e influído polo pensamento de Bakunin.
.
Na revoluçom suscitada na Macedônia e na Trácia Oriental participárom só nesta regiom mais de 4.000 guerrilheiros enfrentados com éxito a um exército dez vezes superior.
.
Apesar dos poucos dias que dura a experiência revolucionária, consegue-se umha participaçom em massa da povoaçom, é abolida a propriedade privada e procede-se à coletivizaçom, sendo regidas as cidades e os povos por assembléias populares de onde saem as diversas comissões encarregadas do governo local. Mui significativa foi a negativa de sumar-se ao movimento revolucionário por parte dos comunistas (entom "social-democratas"), que, além disso, tampouco participarám no levantamento que derruba a monarquia búlgara em 1923, dirigida tamém polos anarquistas. Apesar da derrota inevitável —com mais de 20.000 refugiados na Bulgária—, da superioridade numérica e em armamento dos turcos, a luita contra a ocupaçom estrangeira continua e segue a ser importante a influência dos libertários no movimento independentista macedonio*.
.
(* Guerdjikov luita na guerra dos Bálcãs contra os turcos com umhas companhias de guerrilheiros anarquistas, empregando métodos revolucionários e mantendo uma independência total do exército. Em 1919 funda a FACB (Federaçom Anarco-Comunista Búlgara), e mais tarde nega-se a colaborar com o regime comunista búlgaro, o qual lhe oferecia todas as honras de herói nacional, contestándoles "eu nom estou acostumado a beijar os pés dos tiranos").

Nenhum comentário: