Manifesto para uma esquerda livre

Espléndido manifesto publicado em http://paraumaesquerdalivre.net/. No texto que ponho aqui embaixo substituim as menções a Portugal por Galiza... com o que seria um bom texto para, que sei eu, uma nova força política de esquerda galega, n'e? ;-) 

Esta é uma iniciativa política de pessoas livres, unidas pelos ideais da esquerda e pela prática democrática. Aberta a todos os cidadãos, com ou sem partido. Acreditamos que apenas a expressão de uma forte vontade cívica, por parte de cada um de nós, poderá dar a resposta adequada aos problemas do nosso tempo.

Galiza afunda-se, a Europa divide-se e a Esquerda assiste, atónita.

As raízes desta crise estão no desprezo do que é público, no desperdício de recursos, no desfazer do contrato social, na desregulação dos mercados, na desorientação dos governos, na desunião europeia e na degradação da democracia.

Na Galiza e na Europa, a direita domina os governos, as instituições e boa parte do debate público. A direita concerta-se com facilidade, tem uma agenda ideológica e um programa para aplicar. A direita proclama que o estado social morreu e que os direitos, a que chamam adquiridos, são para abater.

Na Galiza e na Europa, a esquerda está dividida entre a moleza e a inconsequência. Esta esquerda, às vezes tão inflexível entre si, acaba por deixar aberto o caminho à ofensiva reacionária em que agora vivemos, e à qual resistimos como podemos. Resistir, contudo, não basta.

É necessário reconstruir uma República Galega digna da palavra República e construir uma União Europeia digna da palavra União.

É preciso propor aos galegos, como aos outros europeus, um horizonte mais humano de desenvolvimento, um novo caminho para a economia e um novo pacto de justiça social.

É possível fazê-lo. Uma esquerda corajosa deve apresentar alternativas concretas e decisivas para romper com a austeridade e sair da crise, debatidas de forma aberta e em plataformas inovadoras.

A democracia pode vencer a crise. Mas a democracia precisa de nós.

Apelamos a todos aqueles e aquelas que se cansaram de esperar – que não esperem mais.

É a nós todos que cabe construir:

UMA ESQUERDA MAIS LIVRE, com práticas democráticas efetivas, sem dogmas nem cedências sistemáticas à direita, liberta das suas rivalidades, do sectarismo e do feudalismo político que a paralisa. Uma esquerda de cidadãos dispostos a trabalhar em conjunto para que o país recupere a esperança de viver numa sociedade próspera e solidária.

UMA GALIZA MAIS IGUAL, socialmente mais justa, que respeite o direito ao trabalho condigno e combata as injustiças e desigualdades que o tornam insustentável. Um país decidido a superar a crise com uma estratégia de desenvolvimento económico e social, com uma economia que respeite as pessoas e o ambiente, numa democracia mais representativa e mais participada, com um Estado liberto dos interesses particulares que o parasitam.

UMA EUROPA MAIS FRATERNA, à altura dos ideais que a fundaram, transformada pelos seus cidadãos numa verdadeira democracia. Uma Europa apoiada na solidariedade e na coesão dos países que a formam. Uma Europa que ambicione um alto nível de desenvolvimento económico, social e ambiental. Uma União que faça do pleno emprego um objetivo central da sua política económica, que dê um presente digno aos seus cidadãos e um futuro promissor às suas gerações jovens.

A injecçom da banca: a próxima cançom do verão?

Adaptaçom da música de "Garagem da vezinha", do Quim Barreiros, a cargo do grupo The Codice. Que melhor BSO para as verbenas dum verão de crise e troika?

Entrevista com Ricardo García Zaldívar (ATTAC)

Ricardo García Zaldívar é o presidente de ATTAC no Estado Espanhol. Economista especializado em urbanismo, é professor na Universidade Carlos III. O mes passado foi entrevistado por Marcos Pérez Pena para Tempos Novos, umha conversa da que saírom um feixe de reflexiões inspiradoras que reproduço aqui embaixo. Um conselho: se gostas de contidos coma este, fai coma mim e subscreve-te a Tempos Novos, ou compra-o no kiosko. Meios de informaçom coma este, crítico, independente e em galego, som todo um luxo nos tempos que correm.

Pódese dicir que Attac ofrece a base teórica para a contestación ao sistema?

Nos noventa estabamos vivindo unha globalización feliz. Caera o Muro de Berlín, fronte ao capitalismo non había nada, o neoliberalismo arrasaba, pero non só entre a xente que defendía o sistema a cegas, senón tamén entre os que poderiamos chamar de esquerdas. Seguían as vellas gardas comunistas e trotskistas co seu discurso inalterable, pero cada vez chegaba menos a unha sociedade que non era receptiva. Nese momento aparece un reduto de análise crítica, fresca, dende as páxinas de Le Monde Diplomatique, pola acción dos seus directores, Cassen e Ramonet, e en 1998 xorde Attac. Conclúese que o problema son as finanzas, que os mercados están desbocados, por que non retomar a idea de James Tobin? Pero non só para mellorar o funcionamento do sistema, senón para mellorar a vida dos cidadáns. A resistencia nese momento baseábase na asistencia a contracumios, en Seattle, en Davos, pero Attac e outras sete organizacións lanzan a idea do Foro Social Mundial, cunha perspectiva internacionalista e aproveitando as novas tecnoloxías.

Pero nos últimos meses Attac comeza a ser máis coñecida en España, non?

En xaneiro deste ano temos unha primeira reunión con Democracia Real Xa. Xa antes tiveramos contactos con moitos colectivos, buscando converxencia: hai tres anos Attac intentara xuntar colectivos, sindicatos alternativos e ONG combativas, nunha cousa chamada Activos contra a crise; o ano pasado impulsamos as Mesas de Converxencia. Pero estas iniciativas non tiñan a frescura que despois tivo a xente de DRX, que vén falar connosco porque din que o noso traballo é unha referencia para eles. Despois do 15M a xente de Attac participa activamente nas asembleas. Moita xente non entende que é Attac, nin entende que nós non somos unha plataforma partidaria. A xente de Attac pode estar en Equo, en Izquierda Anticapitalista, en IU, no Bloque… Attac é un movemento para a transformación social, non somos nin unha ONG asistencial nin un grupo de amigos.

Que cambia no 15M? Por que se produce agora esta contestación? Parece como se no interior da xente rachase esa idea tan paralizadora, a de que non se podía facer nada, de que non había alternativa…

Esa é unha análise micro: Chega un momento no que a xente está tan indignada que xa non pode quedar na casa vendo a televisión ou lendo El Jueves. Efectivamente, a nivel micro algo cambiou e a xente sae á rúa. Pero a nivel macro estamos tan mal que o poder nin sequera necesita usar a violencia, abóndalle con controlar os medios de comunicación. O gran problema de moita xente é que chegou a un límite máximo de endebedamento para seguir levando unha vida que lle meteron na cabeza que debe levar, a que supostamente lle dá a felicidade.

A clave segue sendo como organizar o sistema económico e financeiro mundial e poñelo baixo supervisión democrática? Como facelo? A taxa Tobin ten cada vez máis apoios…

A nosa análise sobre a taxa Tobin era a correcta e de feito cremos que se vai acabar aplicando, sexa no 2012, sexa no 2014. Agora traballamos máis con outra bandeira: a loita contra os paraísos fiscais, que é aínda máis importante. Estamos convencendo á xente de DRX e do 15M para que a mobilización do 15 de outubro, que vai ter unha grande importancia a nivel mundial, se centre na eliminación dos paraísos fiscais. Unhas semanas despois reúnese o G20 e a presión vai ser moi importante. Xa se debateu no cumio do G20 en 2008, cando os países ricos estaban realmente asustados, pero despois pasou o que pasou: a banca pasou de estar aos pés dos cabalos a ter un enorme poderío de novo, poñendo os estados contra as cordas co tema da débeda soberana. Mentres sigan existindo paraísos fiscais non hai nada que facer. España perde anualmente 40 mil euros por fraude fiscal.

Como valora Attac a forma en que Europa, as súas institucións políticas e económicas, está enfrontando a crise? Está quebrada politicamente? Haberá eurobonos?

Vendéronnos unha Europa monetaria. Había moito interese por ter unha moeda común, pero unha moeda común require unha política fiscal común e un banco central público que defenda esa moeda. Pero aquí concibiuse un banco central que non ten as funcións centrais que debe ter un banco central, este o único que fai é vixiar a inflación. O banco central norteamericano vixía o funcionamento da economía, impúlsaa cando se estanca, de xeito que non se resinta a creación de emprego. A diferenza entre Estados Unidos e Europa é que eles practican políticas de impulso e nós non facemos nada. Mentres non haxa unha política fiscal harmonizada, non se pode facer nada. Os eurobonos son só un parche, pero hai que apoialos. É unha boa medida, pero é insuficiente.

Que implicaría saír do euro?

O tema non é saír do euro, non creo que esa sexa a solución. Se saímos do euro, volvemos ter a máquina de facer pesetas e podemos exportar en mellores condicións, pero tamén os outros países exportarán máis barato, polo que o efecto se dilúe. A cuestión é se Europa funciona como unidade, de se o traballador alemán e o traballador grego actúan na mesma dirección ou só se preocupan polos seus intereses nacionais. E se Europa como conxunto asume os problemas dunha das súas partes, de se a elevada débeda e o elevado risco gregos se compensan coas escasas débedas e riscos alemáns, como pasa en Estados Unidos coa débeda californiana. Estar no euro é unha cuestión política, non é unha decisión economicista, depende de se os cidadáns se senten europeos e cren que Europa é un espazo no que se poden resolver problemas. O que sucede é que a Europa que temos non funciona, o problema non é Europa, é o sistema, a estrutura de Bruxelas. A solución pasa por máis Europa social.

Como xerar espazos de converxencia na esquerda para levar a cabo un programa transformador e de defensa do público?

Estas cousas non se fan dun día para outro. Poñámonos a traballar xa para dentro de catro anos, poñámonos a traballar en converxencia, coa base do 15M ou do que veña, pero coa idea instalada na xente de que as cousas poden cambiar, que a xente teña actividade política, e despois xa se constrúe unha alternativa política. Está claro que ese é o camiño, que hai que converxer. Nestes momentos o modelo alemán, cun Die Linke e uns verdes moi fortes, é irrepetible en España, pero hai que traballar para iso. Nese proceso de converxencia Attac non vai participar como organización, senón que imos seguir co que estamos facendo: sensibilizar, educación popular, detectar os temas que son importantes e nos que pensamos que a xente e as organizacións necesitan afondar.

Que papel deben xogar os sindicatos neste proceso?

Nos grandes sindicatos -porque despois están os alternativos (CGT, CNT) e os nacionalistas- hai unhas bases politizadas que sen elas non se vai poder conseguir transformación social ningunha. Esas bases son un poderío co que hai que contar. Despois están as cúpulas, que están cada vez máis afastadas da base. Creo que o 15M se trabuca cando di que cos sindicatos non quere participar en nada. Aí hai un traballo que facer e vaise facer.

E como vai actuar o PSOE despois da previsible derrota do 20N?

O revés vai ser moi forte e os reveses fan cambiar os partidos. Hai que ver como vai ser o reparto de forzas interno no PSOE, pero é evidente que cando apareza un tipo do PSOE nunha mesa hai moita xente que vai dicir que co PSOE non vai nin á volta da esquina. Zapatero cometeu erros? Ou é que o seu pensamento neoliberal lle impide enfocar as cousas doutra maneira. Creo que a cuestión non vai ser chegar a compromisos fortes senón a accións concretas, por exemplo nas mobilizacións que vai haber en defensa dos servizos públicos. Vai depender do sectarismo e das táboas políticas das persoas que vaian estar nunha beira e na outra.

Dan Hind: o que é o dinheiro?

(Artigo de Dan Hind em Al Jazeera, traduçom própria)

Os protestos contra as instituições financeiras mundiais estám a crescer, mas sabe a maioria das pessoas sequer de onde vem o dinheiro?

Passamos muito tempo pensando no dinheiro, de uma forma ou de outra. Pensamos em como consegui-lo, como mantê-lo seguro e como gastá-lo. Quando nom estamos dormindo, hai bastantes probabilidades de que estejamos prestando atençom ao dinheiro. Mas enquanto o dinheiro nunca está longe dos nossos pensamentos, hai algo curioso sobre a nossa relaçom com el. Apesar de todo o que o usamos ao longo do dia, a maioria de nós nom sabe o que é.

Quero dizer, sabemos o que pode fazer. Sabemos quanto temos, mais ou menos. Sabemos o que custam as cousas e por isso temos alguma idéia do que podemos gastar num momento dado. Quando começamos a pensar sobre o futuro, quanto tempo viviremos e quanto dinheiro imos precisar, tendemos a querer pensar noutra cousa. Mas o dinheiro em si escapa aos nossos cálculos. Maiormente nom pensamos em perguntar de onde vem, nem o que é em si mesmo. As vantages de ter dinheiro e as consequências de nom o ter som tam grandes que raramente paramos a pensar no dinheiro como tal.

Hoje é um dia tam bom como qualquer outro para explicar de onde vem o dinheiro e porquê importa. Na quinta-feira, o Banco da Inglaterra anunciou mais 75 bilhões de libras de "quantitative easing". Se você nom sabe o que isso significa ou vagamente pensa que tem algo que ver com "imprimir dinheiro", provavelmente é porque você nom sabe o que é o dinheiro. Todo será revelado no que segue. OK. Está você preparado para saber de onde vem o dinheiro, para conhecer a verdade zelosamente gardada desde o alvorecer do tempo registrado?

ler mais



O dinheiro deve a sua existência aos bancos

Nom hai nada complicado acontecendo nos bastidores. O grande segredo é que nom hai realmente muito segredo. Ainda assi, a verdade sobre o dinheiro elude-nos a maioria do tempo.

O economista e ironista JK Galbraith escreveu certa vez que "o processo polo qual os bancos criam dinheiro é tam simple que repele à mente. Quando algo tam importante está implicado, um profundo mistério parece mais decente". Quando se nos apresenta a verdade sem adornos, despojada de toda parvada tecnocrata, quase nom a podemos acreditar. Parece absurdo que o dinheiro deva ter origes tam humildes, como se estivesse debaixo da sua dignidade começar a sua vida quando um banqueiro pulsa uma tecla.

A verdade sobre a criaçom de moeda é um pouco como o fim de O Mago de Oz, quando se constata que nom hai um mago que todo o sabe, apenas um velho atrás de uma cortina, fazendo as cousas sobre a marcha. É mui parecido a O Mago de Oz, de feito. O livro de Frank Baum é uma parábola sobre a reforma monetária, escrito no auge da luita nos Estados Unidos entre os arquitetos das finanças corporativas e aqueles que queriam que a oferta de dinheiro fosse controlada polo público. A adaptaçom cinematográfica de 1939 trouxo a história a um novo e vasto público, mas nalgum momento do processo perdeu-se o argumento original do autor. Eu sei, que tal cousa poderia acontecer em Hollywood, de entre todos os lugares possíveis.

Assi que, os bancos criam dinheiro por meio do ato de emprestá-lo. Nom tenhem que limitar-se a emprestar o dinheiro que tenhem em depósito. Na verdade, eles podem acabar emprestando múltiplos enormes do dinheiro que possuem na reserva. Quando autorizam um empréstimo ou estendem o crédito na forma de um crédito a descoberto, o dinheiro é conjurado da nada. Os bancos, em seguida, recebem juros sobre o empréstimo. O interesse é a forma em que os bancos fam os seus lucros, assi que querem emprestar tanto como seja possível polo maior tempo possível, mesmo se o empréstimo é insustentável no longo prazo. Isto é ao que Chuck Prince queria chegar quando dixo em julho de 2007 que "quando a música pare, em termos de liquidez, as cousas serám complicadas. Mas mentres a música esteja soando, hai que sair a dançar. Nós ainda estamos dançando".

Como apontam os autores de “De onde vem o dinheiro?”, uma guia prática sobre a criaçom de dinheiro publicada pola New Economics Foundation, os bancos preferem emprestar dinheiro contra garantias existentes. Como resultado, tenhem um historial bastante ruim quando se trata de apoiar start-ups e pequenas e médias empresas que queiram expandir ou inovar. Mas som brilhantes em inflar burbulhas em imóveis comerciais e residenciais. Talvez conscientes de que o dinheiro que emprestam tem uma qualidade imaterial, os banqueiros anseiam a solidez dos tijolos e a argamassa.

Conversas inteligentes, nom tumultos

Dixem anteriormente que o Banco da Inglaterra anunciou uma nova rolda de flexibilizaçom quantitativa (quantitative easing). A “quantitative easing” (QE) ocorre quando os bancos centrais criam dinheiro novo e usam-no para comprar ativos com juros. Até agora a QE na Grande Bretanha tem sido usada para comprar títulos do governo e corporativos. Isto tem mantido os preços dos ativos e aliviado a pressom sobre os outros bancos. Os bancos cambiam ativos de valor incerto por dinheiro respaldado por crédito do governo.

Se você acha que é um pouco estranho que uma instituiçom nacional, o Banco da Inglaterra, compre títulos emitidos por outra, o Tesouro, está no certo, é-o. O governo nom quer que você pense muito nisso, por se começamos a pensar que eles, como o mago maravilhoso, estám fazendo as cousas sobre a marcha e esperando que saiam bem.

Ninguém está a afirmar que as finanças e a economia nom sejam complicadas. Mas isso nom nos deve cegar ao feito de que ambas descansam numa simplicidade cardeal - o poder de criaçom de dinheiro das instituições bancárias. Os que se lucram com esta simplicidade subjacente nunca tivérom grandes desejos de ilustrar ao público. O seu control sobre a oferta de dinheiro nunca foi objecto de debate democrático. É duvidoso que tal control sobrevivesse a qualquer debate desse tipo. Mentres os manifestantes se reúnem nos distritos financeiros do mundo, espero que sejam capazes de sacar a reforma do sistema bancário das sombras.

A orde estabelecida pode lidar com motins. Nom pode lidar com uma conversa razoável sobre o papel dos bancos na má distribuiçom do capital e na criaçom de crises.

O chanceler britânico de Finanças, George Osborne, já indicou que parte do dinheiro que fijo surgir o Banco da Inglaterra deveria ser encaminhado para as pequenas e médias empresas, numa admissom tácita de que o setor financeiro na sua forma atual nom pode apoiar de forma adequada o setor produtivo. O control privado e irresponsável da oferta de moeda - o arquétipo de privilégio inconstitucional – falhou, e esta falha está a traer miséria para milhões de persoas ao redor do mundo.

Na primavera deste ano no norte da África começou uma discussom sobre a sociedade e a economia que queremos. Agora Europa e América do Norte estám a unir-se a ela. Os problemas que enfrentamos som complicados, é verdade, mas nom tanto como querem fazer ver alguns. Começaremos a ver como resolvê-los quando tenhamos uma compreensom clara dos fundamentos de organizaçom social, incluindo as origes e a natureza do dinheiro.

É um entendimento que os atualmente poderosos prefeririam que nom tivéssemos. Afinal, como dixo outro grande ironista americano, Walter Karp, "o poder usurpado só é seguro mentres permaneça despercebido". Por muito tempo, os bancos tenhem moldado as leis da troca econômica em privado. Mesmo em meio de uma crise da dívida, o seu privilégio tem escapado polo de agora ao nosso entendimento. Chegou o momento de que se torne o objeto da nossa atençom constante e paciente.

The Corporation (A Corporação)

O fascismo deveria ser chamado propriamente corporativismo, porque é a fusão do Estado e o poder corporativo

Benito Mussolini

Sei que a cita é um pouco forçada e sacada de contexto, mas parece-me ajeitada para introduzir The Corporation (A Corporação), um excelente documentário sobre essas grandes potências de hoje em dia. Ganhadora dum feixe de prémios, inclui entrevistas a CEOs de grandes empresas, brokers, espias, e gente como Noam Chomsky, Naomi Klein ou Michael Moore... junto a todo um ultraliberal como Milton Friedman. E cara o remate fala da luita do povo boliviano contra as tentativas de privatizar a sua auga... algo do que deveríamos tomar nota na Galiza vista a lei de augas que pretende aprovar o Frijolito.

As ligações que ponho são, como de costume, às versões originais legendadas em português. Ainda que as traduções são bastante chungas, polo que talvez seja boa ideia buscar alguma versão noutro idioma (hai muitas disponíveis em internet). Eis a parte 1:

E a parte 2:

Geração à rasca, na Galiza e Portugal

.
Um artigo do Carlos Aymerich publicado hoje no Xornal.
.
Ontem, o governo português anunciou novas medidas de austeridade que, como é costume, batem no lombo dos de sempre: despedimento mais barato, novos incrementos do IVA e dos gravames sobre tabaco, álcool e automóveis, novos recortes nas pensões e no subsídio de desemprego e liberalização de rendas de aluguer antigas. Um intento á desesperada de acalmar os mercados e conseguir recursos com os que pagar uns juros que esta semana se colocárom já por riba do 8%.
.
Mas semelha que desta volta Portugal não vai suportar calado este novo ataque contra o bem-estar e a coesão social. Hoje ás 15.00 horas o coletivo impulsor do manifesto da Geração à Rasca tem convocado protestas em Porto, Lisboa e outras cinco cidades contra um estado de cousas que entendem inaceitável. Os autores do manifesto, redigido em primeira persoa do plural, são os “desempregados, quinhentoseuristas e outros mal remunerados, escravos disfarçados, subcontratados, contratados a prazo, falsos trabalhadores independentes, trabalhadores intermitentes, estagiários, bolseiros, trabalhadores-estudantes, mães, pães e filhos de Portugal”, a geografia completa da precariedade. E dirigem-se aos “responsáveis pela nossa atual situação de incerteza: políticos, empregadores e nós mesmos” na procura duma “alteração rápida desta realidade, que se tornou insustentável”. A diferença doutros tempos, o manifesto dos enrascados não denúncia incompreensões ou reação contra gerações anteriores. Radical e simplemente reclama o direito a trabalhar para lhe “dar um futuro melhor a nós mesmos e a Portugal” sem ficar á espera de que os problemas se resolvam.
.
A protesta –apartidária, laica e pacífica–, apoiada polo Bloco de Esquerda e o PCP, mas aberto, em palavras duma das suas impulsoras, “a todos os partidos, todos os elementos da sociedade civil, todas as associações, todas as religiões porque a precariedade atravessa transversalmente toda a sociedade civil” semelha refletir o espírito dum tempo e duma geração que, com novos discursos e novas ferramentas, quere superar de vez a desordem neoliberal entanto trabalha na construção duma alternativa.
.
Quiçais o que julgamos uma revolta limitada ao mundo árabe e islâmico recolha um sentir mais estendido. Quiçais os estudantes gregos de hai dous anos –“não precisamos gás lacrimogêneo, já choramos nós sós”– prenderam a mecha dum movimento cujo espírito recolhem os Deolinda no que já se converteu no hino duma juventude que não quer ficar calada: “E fico a pensar, que mundo tão parvo que até para ser escravo é preciso estudar”.
.
“Protestamos por uma solução e queremos ser parte dela”. Assim conclui o manifesto dos enrascados. Portugal manifesta-se hoje ás 15.00 horas. Galiza fará-o manhã ás 12.00, em Santiago, para reclamarmos também o nosso direito a construirmos um futuro melhor.
.

Julio Anguita. Quatro cousas bem clarinhas.

Manifesto dos economistas aterrorizados

Venho de conhecer arrastao.org, uma mais das excelentes webs na órbita do Bloco de Esquerda. Ali pode-se ser ler uma tradução do "Manifesto dos economistas aterrorizados", documento elaborado pola Associação Francesa de Economia Política. Trata-se de uma crítica ao ultraliberalismo que impera na nossa Europa, e um argumentário de que outras políticas económicas são possíveis, mesmo dentro do sistema. O documento em português aqui.

Vivendo no fim dos tempos

Um video do programa Tegenlicht, da televisão neerlandesa VPRO, que me recomendara Cesáreo. Tem um formato original, onde "bombardeiam" a Slavoj Zizek com imagens e declarações de outras persoas, para fazê-lo falar de diversas questões de atualidade. Trata-se de uma série de 5 vídeos, na sua versão original em inglês e legendados em castelhano. Já víramos em acção ao Zizek noutra ocasião, e esta é uma boa escusa para desfrutar, não só das suas análises, senão também do seu peculiar acento e o seu repertório de tiques ;-)

Entrevista com Carlos Taibo

"Hoje no Norte desenvolvido, um projecto anticapitalista tem que ser decrescimentalista, autogestionário e antipatriarcal"

O politólogo Carlos Taibo tem-nos bem acostumados com as suas lúcidas críticas ao capitalismo. No número de dezembro de Tempos Novos inclui-se uma entrevista moi ilustrativa, centrada na questão do decrescimento. A seguir reproduz-se (com grafia reintegrada) esta interessante conversa com Comba Campoy:

As políticas dos governos do mundo vão na direção oposta ao paradigma do decrescimento. Cara a onde leva isto?

Cara à ratificação do escenário social de injustiça e desigualdade e a agudização dos problemas ambientais. A idéia de que em dous anos abandonaremos a crise e retomaremos a situação anterior é falsa. Pode que os indicadores de crescimento recuperem os níveis de hai cinco anos, mas a mudança climática está ativa, a carestia das matérias primas energéticas é cada vez mais notável. Cada mês que passa os recursos que são precisos para fazer fronte à mudança climática são maiores. Seguimos castigando o meio e a possibilidade de inverter a situação é cada vez menor. É urgente artelhar procedimentos de resposta. Hoje no Norte desenvolvido, um projecto anticapitalista tem que ser decrescimentalista, autogestionário e antipatriarcal. E digo-o em clara confrontação com os críticos do decrescimento da esquerda. Ao não serem decrescimentalistas estão a aceitar boa parte da mitologia do sistema capitalista que supostamente rejeitam.

Falas dos críticos da esquerda institucional?

Não, a esquerda institucional considera o decrescimento um projecto extravagante. As críticas às que me refiro venhem dum marxismo dogmático, que considera que o do decrescimento é um conceito da pequena burguesia, das classes médias, que adia a resposta revolucionária ao sistema. Mas a resposta revolucionária ao sistema tem que ser decrescimentalista.

ler mais

Fronte a dados alarmantes como o da iminência do teito do petróleo, insiste-se em que se pode manter o atual ritmo de consumo...

A postura dos partidos centra-se na perspectiva eleitoral. O dos sindicatos é dramático. O retrato robot da situação foi o acordo que assinaram CCOO e UGT na SEAT de Barcelona antes do verão: congelação salarial a câmbio da concessão de produção dum novo modelo de carro.

Um pensamento curtopracista...

Hai trinta anos os pacifistas loitavam polo feche das indústrias militares. Já daquela chocavam com os sindicatos que defendiam que havia que preservar esses postos de trabalho. Essa disputa hoje em dia tem que ampliar-se. Temos que pensar se podemos seguir produzindo automóveis.

Colectivos como Crisi falam da impossibilidade de continuar vivendo no capitalismo. Não confiam em que os poderes assumam esta realidade, polo que devem ser as bases as que guiem este processo...

É que não hai nengum elemento que aconselhe concluir que os governos estão dispostos a mover as cousas. Não por isso hai que deixar de fazer pressão para conseguir mudanças. Semelha que algum dos governos de esquerda de América Latina, como o de Evo Morales, que bebe do imaginário dos índios, duma relação conceitual distinta com a natureza, pode assumir parte deste discurso. Não nos nossos governos democratizados. Como é possível que o BNG organize em Lubiám uma concentração a prol do AVE a Madrid? Um procedimento de transporte anti-social, anti-ecológico e desertizador. E que na base do BNG não exista uma contestação fortíssima disto... é a servidume voluntária.

Anuncia-se que vão reduzir as vantagens fiscais aos futbolistas por salários multimilhonários, e hai protestas. Quanto mais inviável pedir uma renda básica, pola qual os salários mais altos seriam altamente fiscalizados em benefício da maioria da povoação...

Seria interessante que houvesse uma folga de clubes, para avaliar que acontece na nossa sociedade. Seguro que boa parte da povoação estaria com os clubes na defensa dessas estrelas do futebol. A manifestação mais multitudinária da Galiza contemporânea foi quando o Celta foi objecto dum descenso administrativo. Não fôrom as de Nunca Mais nem as da Mesa.

Perante este panorama desalentador, a proposta do decrescimento pretende um câmbio radical de mentalidade, a revisão de conceitos como o de felicidade.

A felicidade significa cousas moi diferentes para cada quem. Em qualquer caso, creo que a maioria dos habitantes das sociedades opulentas não somos felizes. Somos conscientes de que o trabalho nos mata. Temos que discutir criticamente se esse trabalho é o nosso projecto vital. Em qualquer caso, o hiperconsumo não tem nada a ver com a felicidade. Tenho claro que é um indicador de infelicidade.

Até que ponto o trabalho pode contribuir ou pexar a nossa felicidade?

Nisto não som conseqüente, eu estou todo o dia a trabalhar. É certo que não tenho um trabalho alienante, mas em qualquer caso, hai que criticar o trabalho, e não só o trabalho assalariado. Compre ler o direito à preguiça [nota: ver também a 2ª parte] de Lafargue, um contraponto moi interessante à crítica do trabalho assalariado de Marx. Uma anedota que me gusta contar é a do mexicano que está à beira do mar, numa aldeia, e achega-se-lhe um turista norteamericano, que lhe pregunta a que se adica. O mexicano resposta: “Som pescador”. “Vaia, é um trabalho duro, trabalhará moitas horas”. “Duas ou três horas”. “Não me parecem tantas, que fai o resto do dia?”. O mexicano conta-lhe que esperta tarde, pesca um pouco, joga com os filhos, dorme a sesta com a mulher e pola tarde sai tomar uma cerveja. O turista reage airado: “Pero como não trabalha mais horas?” “E para que?”, pregunta o mexicano. “Se trabalhara mais horas poderia comprar um barco mais grande. Despois duns anos, montaria uma fábrica na vila. Mais tarde abriria uma oficina no distrito federal, e montaria delegações em Europa e nos USA. Seria vostede imensamente rico. Aos setenta anos poderia retirar-se, vir aqui, acordar tarde, pescar um par de horas, jogar um tempo com os netos, durmir a sesta com a sua mulher...”

Esta anedota, que retrata a dimensão do modo de vida escravo no que estamos inseridos, em persoas que trabalhárom toda a sua vida freneticamente, suscita a idéia de que estou a defender o “viva a vida”. O que defendemos é um modelo distinto de vida social, de reparto do trabalho. Hai que trabalhar, necessariamente, mas temos que liberar-nos dos moitos elementos alienantes do trabalho. E isto de novo contradi o discurso comum na esquerda institucional, que considera o trabalho sagrado, que hai que dominar a natureza... a anedota do mexicano tem uma fuga, e é que não explica quantas horas trabalhava a sua mulher.

Isto tem que ver moito com a filosofia do que se chama o “bom viver”, dos indígenas americanos.

Moitas comunidades tradicionais, nos países pobres ou a própria Galiza, matenhem determinado tipo de esquemas mentais que estão na lógica do decrescimento e creo que, em geral, as mulheres conservam determinados elementos mentais moito mais vencelhados ao decrescimento que os varões, moito mais inseridos na lógica da economia convencional, da produção...

Respeito do lezer, deveu um bem de consumo mais. Quase nem concebemos o tempo livre sem consumir...

Por isso falo de ócio criativo. Contraponho-o ao ócio alienante que se nos oferece, ontologicamente vinculado com o consumo. Temos que trabalhar moitas horas para manter os nossos níveis de ócio consumista. Isto tem conseqüências dramáticas. É o caso dos cativos que deixam a escola às catro da tarde, e na casa não hai ninguém. O pai e a nai trabalham para conseguir salários altos que permitam comprar-lhes joguetes custosíssimos, quando seria mais razoável que trabalhassem menos horas e passassem a tarde a jogar com eles. A discussão sobre Bologna parte da presunção razoável de que a irrupção da empresa privada vai rematar com os estudos de Humanidades. Para que querem as empresas privadas filólogos, antropólogos ou filósofos? Bem, pois a filosofia do decrescimento reclama, para o ócio criativo, milheiros de licenciados em filosofia, história, filologia...

Que implica a noção de pegada ecológica?

Mide a superfície do planeta, terrestre como marítima, que precisamos para manter as atividades econômicas atuais. Todos os estudos concluem que deixamos moi atrás, no norte desenvolvido, as capacidades ambientais do planeta. Entregamos-lhes às gerações vindeiras um planeta dificilmente habitável. Em determinada esquerda galega hai um discurso, de origem anticolonialista, que parece concluir que como Galiza é uma das partes mais pobres do Estado Espanhol, a pegada ecológica galega é reduzida. A nossa pegada ecológica é mais grave que a doutras partes do Estado Espanhol, em boa medida de resultas do projecto colonial de produzir para outros, mas não só por isso. Por tanto, na Galiza hai que assumir estrategias de decrescimento radicais.

E em que consistiria a redistribuição de recursos?

Esse é um projecto moi vinculado ao discurso anticapitalista tradicional. O que temos é que questionar em modo central o regime de propriedade, uma discussão proibida, entre outras cousas porque a experiência histórica do sistema soviético em relação com isto foi nefasta. Confundiram a propriedade pública com a propriedade pública socializada. Os dous últimos anos fôrom de grande intervencionismo estatal na economia, em proveito dos interesses privados. Assim que não reclamemos sem mais a intervenção dos poderes públicos; teremos que pôr-lhe condições. Por isso confio mais nos movimentos de base e na sua operação autogestionária que na intervenção dos poderes públicos, as mais das vezes vencelhada com interesses privados.

Que papel lhe atribuirias ao Estado num horizonte de decrescimento?

Estamos num estadio tão inicial que é difícil responder. É imaginável o decrescimento num só país, num só concelho? Estamos tão longe disto que quando consigamos que um concelho aprove um programa de decrescimento, já veremos como o fazemos. Neste caso, o meu antecedente libertário fai que sinta pouca simpatia pola instituição do Estado, mas se os poderes públicos assumissem estrategias de decrescimento, bem-vidas.

Também poderíamos confiar na autogestão dos serviços públicos. Assim seriamos donas da nossa saúde, da nossa educação...

O termo autogestão é importante, e não se deve confundir com o de nacionalização. Não abonda com nacionalizar os serviços públicos que foram privatizados. Tem que haver um prejecto autogestionário de control desde a base. Porque ao final não hai moitas diferenças entre o projecto estritamente privado e um projecto público ao serviço de determinados interesses privados. Algo que a esquerda tradicional não acaba de comprender.

O discurso da sustentabilidade está moi em boca de políticos...

Em todos. O problema de termos como “desenvolvimento sustentável”, ou “crescimento sustentável”, é que hoje em dia todo o mundo os defende. O PP defende o desenvolvimento sustentável. Serge Latouche, o principal teórico do decrescimento, di que o “crescimento sustentável” é um oxímoro, nengum crescimento pode ser sustentável. Rodríguez Zapatero não sabe o que é a sustentabilidade, pensa que é um crescimento que se mantém no tempo. E é o contrário: um conjunto de fórmulas econômicas que permitem restaurar os recursos que se gastam.

Fronte a esta corrente de opinião dominante, a hipótese de que a proposta do decrescimento assente nas nossas mentes passa por buscar novas vias de reeducação...

Este é o nosso problema principal. Eu creo que não hai moitos problemas técnicos ou tecnológicos para introduzir programas de decrescimento. Estou convencido de que é moito mais difícil para o capitalismo manter o paradigma do crescimento, que para nós decrescer. Não queremos demostrar que somos capazes de manter o três por cento de crescimento do PIB. Mas, como mudamos a cabeça da gente, a nossa própria cabeça? Temos que apostar polos movimentos sociais e as redes, a sua capacidade de espalhar uma visão diferente. E temos que confiar também em que determinados cidadãos, não particularmente conscientes, comecem a introduzir fórmulas na sua vida cotiá, vencelhadas com o decrescimento. Persoas normais que começam a fazer-se as preguntas que compre fazer em relação com um escenário de crise. A finais de mês o tráfico para Madrid desde os bairros das aforas baixa visivelmente. A gente não tem cartos e colhe o trem. Provavelmente, uma parte deles estão a descubrir que o trem tem moitíssimas mais vantagens que o carro privado. Podem introduzir na sua vida determinados elementos que podem conduzi-los a visões moito mais radicais e críticas.

Como qualificarias o estado atual do movimento cívico galego?

Hai uma crise visível dos partidos e dos sindicatos tradicionais, que não está a produzir suficientes elementos de contestação crítica interna. Isso supom uma oportunidade para determinados movimentos que estão, se não em contra das instituições da esquerda tradicional, si à sua margem. Hai um processo geral de constituição de redes, se cadra excessivamente atomizado. Na Galiza a isto suma-se o problema nacional, que duma parte vivifica iniciativas, e doutra distrai-as. Em qualquer caso, necessitamos manter o discurso claramente anticapitalista, e isto obriga a questionar o discurso fundamental das forças de esquerda tradicional, que reclamam, exclusivamente, a restauração do estado do bem-estar. É o discurso do BNG, como o de IU em Madrid. Um projecto de esquerdas tem que pedir algo mais. Tem que discutir o regime de propriedade, e em segundo lugar, tem que pensar nas gerações vindeiras. Os grupos e as persoas mais próximas ao decrescimento vinculam-se ao ecologismo político radical, que vem defendendo isto com outros nomes hai moito tempo, e o mundo libertário. Entre outras razões, porque não estão preocupados polas eleições. No mundo da antiglobalização e no do decrescimento hai raízes libertárias moi claras; e uma delas é a que diferéncia a cosmovisão libertária das cosmovisões leninista e socialdemocrata. Estas aspiram a que chegue um momento mágico que indique que tomamos o poder, seja através duma revolução ou dumas eleições. E nada di sobre o que devemos fazer antes de chegar a esse momento, só pelejar para conseguir maiorias sociais. A visão libertária é moito mais inteligente. Fala de começar a construir agora esse mundo diferente que queremos, de mudar as nossas vidas. E não agardar o momento que chegará ou não chegará. A CNT em 1936 perfilou um conjunto de redes (granjas, obradoiros, ateneus) que pretendiam criar, num entorno hostil, a sociedade diferente que se queria construir. Como exercício de pedagogia persoal, é moito mais interessante que todas as maquinárias burocráticas dos partidos e dos sindicatos, que o único que fam é mover o carro do poder.

A taxa Tobin, mais perto?

Disque alguns governos europeus pretendem, agora, que o FMI aplique um imposto sobre as transações financeiras. Trata-se da ideia da Taxa Tobin, defendida por ATTAC e o altermundismo desde tempo há. Ainda sendo conscientes da dificuldade de que se chegue a levar a cabo, saudamos com optimismo este novo estado de opinião. Para contribuir a espalhar a ideia, reproduzimos o já histórico editorial de Le Monde Diplomatique de dezembro de 1997, onde Ignacio Ramonet avogava por este imposto (tradução ao galego obtida de Altermundo.org).

Desarmar os mercados financeiros

O tifón que experimentaron as bolsas de Asia ameazou logo o resto do mundo. A mundialización, cuxo principal motor é a optimización a escala planetaria do capital financeiro, está a poñer aos pobos en estado de inseguridade xeneralizada. Ignora e rebaixa ás nacións e os seus Estados en tanto que espazos idóneos para o exercicio da democracia e como garantes do ben común.

A mundialización financeira creou deste xeito o seu propio Estado. Un Estado supranacional, que dispón dos seus aparellos, das súas redes de influencia e dos seus propios medios de acción. Trátase da constelación formada polo Fondo Monetario Internacional (FMI), o Banco Mundial, a Organización para a Cooperación e o Desenvolvemento Económico (OCDE) e a Organización Mundial do Comercio (OMC). Estas institucións falan cunha soa voz –amplificada pola práctica totalidade dos media– para exaltar as "virtudes do mercado".

Este Estado mundial é un poder sen sociedade, xa que este rol é exercido polos mercados financeiros e as empresas xigantes dos que son mandatarios. O resultado é que as sociedades realmente existentes son sociedades sen poder. E todo isto non deixa de agravarse.

Sucesora do GATT, a OMC mudou desde 1995 nunha institución dotada de poderes supranacionais e situada fóra de calquera control por parte das democracias parlamentarias.

Unha vez que se propón intervir, a OMC pode aclarar as lexislacións nacionais en materia de dereito laboral, de medio ambiente ou de saúde, "contrarias á liberdade de comercio" e pedir a súa derrogación. Por outra banda, dende maio de 1995, no seo da OCDE, á marxe da opinión pública dos diferentes países, negóciase o moi importante Acordo Multilateral de Investimentos (AMI), que deberá ser asinado en 1998, e que se orienta a dar plenos poderes aos investidores fronte aos gobernos.

O desarmamento do poder financeiro debe converterse nun obxectivo de interese cívico de primeira magnitude, se se quere evitar que o mundo do vindeiro século mude nunha xungla onde os predadores impoñan a súa lei.

Acotío uns 1.500 millardos de dólares realizan múltiples idas e vindas, especulando sobre as variacións nas cotizacións de divisas. Esta inestabilidade dos cambios é unha das causas da alza dos intereses reais, que frea o consumo doméstico e dos investimentos das empresas. Incrementa os déficits públicos e por outra banda incita aos fondos de pensións, que manexan centos de milleiros de millóns de dólares, a reclamar ás empresas dividendos cada vez máis elevados. As primeiras vítimas desta "caza" do beneficio son os asalariados, cuxos despedimentos masivos fan subir as cotizacións bolsistas dos seus ex empregadores. Poden as sociedades seguir a tolerar o intolerábel por moito tempo? É urxente arroxar algúns grans de area na engrenaxe destes movementos de capitais devastadores. De tres xeitos: supresión dos "paraísos fiscais"; aumento da fiscalidade nas rendas de capital; aplicación de taxas sobre as transaccións financeiras.

Os paraísos fiscais son zonas nas que reina o segredo bancario, que non serve máis que para camuflar malversacións e outras actividades mafiosas. Milleiros de millóns de dólares son subtraídos desta forma a toda fiscalidade en beneficio dos poderosos e dos establecementos financeiros. Porque todos os grandes bancos do planeta teñen sucursais nos paraísos fiscais e extraen gran proveito diso. Por que non decretar un boicot financeiro, por exemplo, a Xibraltar, ou ás Illas Caimán ou a Liechtenstein, mediante unha prohibición aos bancos que traballan co sector público de operar e abrir filiais neses lugares?

O imposto sobre as rendas financeiras é unha esixencia democrática mínima. Estes beneficios deberían ser sometidos exactamente á mesma fiscalidade á que se somete ás rendas do traballo. Isto non acontece en ningún lugar, en particular na Unión Europea. A liberdade total de circulación de capitais desestabiliza a democracia. Por iso, é importante pór en marcha mecanismos disuasorios. Un deles é a Taxa Tobin, que toma o seu nome do Premio Nobel norteamericano de economía, que a propuxo en 1972. Trátase de gravar, de xeito módico, todas as transaccións sobre os mercados de cambios para estabilizalos e ao tempo para procurar ingresos á comunidade internacional. Cun nivel do 0,1%, a taxa Tobin lograría anualmente uns 166 mil millóns de dólares, dúas veces máis que a suma anual necesaria para erradicar a pobreza extremada de aquí ao comezo do vindeiro século. Numerosos expertos sinalaron que a posta en práctica desta taxa non presentaría ningunha dificultade técnica. A súa aplicación arruinaría o credo liberal de cantos non cesan de evocar a ausencia de solucións de recambio ao sistema actual. Por que non crear –a escala planetaria– a Organización non Gobernamental Acción por unha Taxa Tobin de axuda os cidadáns (ATTAC)? En coordinación con sindicatos e asociacións con finalidades culturais, sociais ou ecolóxicas, podería funcionar como un formidábel grupo de presión cívica perante os gobernos para impulsarlles a reclamar finalmente a posta en marcha efectiva deste imposto mundial pola solidariedade.

Zeitgeist: Addendum

.
Hai quase exactamente um ano comentávamos nestas páginas o documental Zeitgeist. Está disponível já a segunda entrega, "Zeitgeist: Addendum", a qual, ao igual que a primeira, oscila entre o mui interessante e o quase delirante. E, também ao igual que a original, consta de várias partes claramente diferenciadas (atençom: se se pode estragar o argumento dum documental... entom o que segue é um SPOILER!). O Addendum começa com uma descriçom crítica do monetarismo, apresentado como um sistema que furta recursos do comum para entregar-lhe-los aos bancos (correcto!). A seguir, e ligado com este roubo de recursos, John Perkins (colaborador do NY Times, escritor, impulsor do projecto Dream Change) fai um repasso da trajectória imperialista dos USA, analisando os casos de desestabilizaçom (tanto total como em grau de tentativa, e sempre com o fim de expoliar estes países) de Panamá, Irão ou Venezuela, entre outros (certo!). Despois a película vira para outro âmbito, nom já de crítica, senom de proposta em positivo: a do Projecto Venus, uma simpática ida de olla sem desperdício. E é que basicamente defendem uma tecno-utopia, possibilitada por uma "economia baseada em recursos" na que estes seriam super-abundantes. Na sua visom, nom nos teremos que preocupar pola escassez de energia: hai de sobra, só que em fontes ainda nom explotadas -tales como a geotérmica ou a hidroeléctrica das correntes submarinhas. Outro exemplo: o do transporte, para o que imaginam um futuro onde os VTOLs e os trens Maglev nos solucionam a vida a baixo custo. A chave de todo isto, o que o faria possível, explica-se na película e também aqui. ..

.

.Verdadeiramente é um futuro no que me gostaria acreditar (paga a pena botar uma olhada à sua web, talvez algum dia me construa uma casa como as que proponhem), se nom fosse polo déjà vu a sonho hippie da Era Espacial... e a que, apesar das maravilhas prometidas, nom dam nenguma folha de rota para chegar a elas. O seu projecto é aparentemente um quadro estático, nom um processo; igual de fermoso e perfecto que o anarquismo -sendo em realidade uma forma de realizaçom do ideal anarquista-, apresenta as mesmas (formidáveis) dificuldades para a sua realizaçom. Mas, apesar de todo, recomendo o visionado deste Addendum, por refrescante e "debatível"... e também, que carai, porque imagino que Carl Sagan sorriria vendo-o ;-)

Balabanian e a (suposta) neutralidade da tecnologia

.

É a tecnologia algo neutral, cuja bondade ou maldade depende do uso que se lhe dea? É algo intrinsecamente positivo para o desenvolvemento da humanidade, que incrementa as suas possibilidades de liberdade?

A estas teses (mutuamente contraditórias mas, sorprendentemente, defendidas simultaneamente por muitos tecno-optimistas), o engenheiro electrónico Norman Balabanian resposta com um sonoro -e figurado, nom vaiam crer que é tam mal falado coma mim- "polo caralho!". E adica-se, com brilhante lucidez, a desmontar os lugares comuns e os prejuízos interessadamente espalhados a este respeito. A tecnologia, resumindo, é em si umha ideologia, e cumpre ante todo a funçom de servir os interesses das classes dominantes. E ao contrário do que nos adoitam dizer, "a tecnologia contemporánea limita a autonomia individual, impondo um estilo de vida sobre o qual os indivíduos tenhem pouca eleiçom".

Isto e muito mais está esplendidamente desenvolvido num artigo já clássico (originalmente publicado em 1980 e revisado em 2006) onde se cita a Drucker, Keynes, Galbraith ou Marcuse, entre outros. E que, felizmente, atopa-se disponível para qualquera (nom só os subscriptores do Technology and Society Magazine) em formato pdf.

.

Só podemos dizer umha cousa: hai que lé-lo!

O Encontro Irmandinho, sobre a crise

.
(tirado da web do Encontro Irmandinho)
.

Na reunión do Consello Nacional do BNG do 7-11-2008 o Encontro Irmandiño presentou unha proposta alternativa ao documento sobre a crise económica. A proposta da maioría da Executiva obviaba a etioloxía desta crise, cuestionaba moi debilmente as políticas de rescate do sistema financeiro e non aportaba propostas políticas para o ámbito europeo e estatal. A boa nova é que se acordou encargar a Executiva facer unha síntese entre ambas propostas.

Emenda do Encontro Irmandiño:


A CRISE ECONÓMICA E ALTERNATIVAS DO BNG

1. A crise do Modelo Neoliberal. Sentar a base dun novo modelo.

As políticas económicas ultraliberais preconizaron sempre a desregulación financiera e laboral. Apostaron polo déficit cero, as reducións do gasto social e as reformas fiscais para adelgazar ao Estado. Asegurouse que estender o mercado libre do control público a todos os ámbitos da vida social levaría a unha economía máis estable e competitiva. A realidade que hoxe padecemos é a demostración do fracaso estrepitoso deste tipo de políticas.

As políticas ultraliberais son o resultado dun sistema económico dominado polo capital financeiro cada vez máis desconectada da economía real e das necesidades dos pobos e das clases populares e da pequena e mediana empresa, e como analizabamos na tese da IX AN do BNG, significan a liquidación do estado de benestar, a sustitución do estado social polo estado penal.

A especulación co prezo das materias primas e dos alimentos é a expresión máis pura dun modelo insustentábel que a diferenza das dúas crises financeiras anteriores, estrangula á economía produtiva. Por iso a crise que atravesamos non é unha crise cíclica máis: é a crise do neoliberalismo económico que guiou a política seguida ou soportada pola maior parte dos gobernos nos últimos decenios.

LER MAIS...

A situación que estamos a vivir hoxendía contradí abertamente as teses do fundamentalismo de mercado e da tan loubada independencia da xestión da política monetaria que non era outra cousa que furtar ao control democrático, ferramentas esenciais de política económica. Así se construíu a Europa de Mastrich e así o analizou o BNG hai máis de tres lustros.

Agora, cando a crise demostra que os prezos non se poden alonxar do valor ad infinitum,- xa o dicía Carlos Marx - o capital financeiro que non fixo outra cousa que fabricar diñeiro bancario e activos económicos a cada volta máis imaxinativos, cando a burbulla estoura e os enfronta á bancarrota e a consecuente perda do poder, acoden aos poderes públicos que dende Bush a Zapatero, xustificándose en que hai que salvar o sistema financeiro para salvar a economía de todos, dispoñen para o seu auxilio, sumas astronómicas cuxa magnitude é dificil de percibir a primeira vista. So o Estado Español, cos 50.000 millóns de € xa anunciados, está a aportar a bancos e caixas case o quíntuplo da inversión do estado en inversións reais para o ano 2009.

E non queda aí a cousa, porque o estado convertese en garante dos préstamos entre entidades financeiras a partires de agora.

Mesmo o BCE que até agora funcionaba coma un autómata encargado de conter a inflación independentemente das consecuencias na economía real porque era o mercado o que tiña que realizar os axustes e resolver todo, suspende as subastas de prestamos e substitúea dende o pasado día 15 de outubro, por créditos ilimitados ao tipo fixado, primeiro ao 3,75 e agora ao 3,25 por cento. Pero para a economía real a referencia é outra o Euribor, mercado interbancario que todos afirman que xa non existe pero que casualmente lles serve para fixar un xuro de referencia un 44,6% maior, en beneficio dos financeiros.

Compre, xa que logo, recobrar o control das políticas económicas para a cidadanía nos diferentes ámbitos, rescatando o poder das mans dos usurpadores disfrazados de técnicos.

1. Por difícil que sexa, por imposíbel que pareza non hai outro camiño que democratizar o poder mundial, FMI, Banco Mundial e a ONU. É imprescindíbel e urxente a regulación e control das transaccións especulativas financeiras internacionais con freos como a Taxa Tobin.


2. Por difícil que sexa a construción da Europa dos Pobos e cidadáns non podemos renunciar e temos que aproveitar a crise para facer pedagoxía e reclamar o control das institucións democráticas sobre do BCE.


3. Por difícil que sexa temos que esixir do Goberno Español que faga uso da banca pública lle queda, ICO, para poñela ao servizo da economía produtiva, e as entidades financeiras que non se sosteñan que se nacionalicen xa que todas e todos imos pagar a desfeita.

Só a misión reguladora e estabilizadora do sector público na actividade económica pode sentar as bases dun modelo de desenvolvemento máis xusto, máis democrático e máis sustentábel.

Actuacións sobre da economía produtiva para protexela no posíbel da crise financeira:

1. Para recuperar a demanda interna, esixir do Goberno do Estado que se referencien os préstamos ao xuro do BCE en substitución do Euribor do mesmo xeito que noutro momento se cambiou a este dende o Mibor.


2. Dotar á Xunta de Galiza de auténticas institucións financeiras e de desenvolvemento económico criando o Instituto de Desenvolvemento de Galiza de acordo coas propostas programáticas e proposicións de lei presentadas reiteradamente polo BNG.
   A creación dunha banca pública galega que comece por xestionar as finanzas e Tesourería da Comunidade Autónoma e a creación dun IDG que promova as actividades produtivas con participación directa no capital social das empresas, son propostas do nacionalismo as que o PSOE tería moi difícil negarse na actual conxuntura.


3. Exercer as competencias exclusivas da CCAA para modificar os órganos reitores das caixas e a orientación da súa política crediticia con vistas a un fortalecemento dos lazos coas empresas: compromiso de canalizar os depósitos cara créditos concedidos en Galiza; reorientación da política de crédito para dar maior importancia aos dirixidos a empresas industriais; favorecer a participación directa no capital de empresas industriais, sexa por parte das caixas directamente ou a través dun aumento significativo da participación da caixas nos diferentes instrumentos e fundos de participación empresarial que se artellen polo IDG


4. Promover a creación do Grupo Lácteo Galego e dunha Empresa Pública de Enerxía de Galiza que participe na explotación e rendementos da enerxía eólica.

Para o BNG a crise actual reclama respostas decididas que, ao tempo que solventan as urxencias do curto prazo – a atención ás persoas desempregadas, a reactivación económica, o financiamento das actividades produtivas – senten as bases dun cambio estrutural, dun novo modelo de desenvolvemento e organización da economía.

Somos conscientes da insuficiencia do autogoberno para emprender outras políticas que haberá que poñer en marcha para nos recuperar da crise e emprender un futuro de progreso e benestar sustentábel e por iso pensamos que temos que seguir a traballar por un novo estatuto, máis no entanto temos que esgotar as competencias até o límite con normas e iniciativas ambiciosas para solucionar os problemas da cidadanía. Se as frean con recursos diante do Tribunal Constitucional e as políticas responden a necesidades sentidas ao menos faremos pedagoxía é evidenciar a insuficiencia do actual estatuto para as necesidades de Galiza.

Arcadi Oliveres, sobre a crise e mais

.

“A crise nom é financeira senom estrutural, alimentária e energética”

No post anterior botavamos umhas risas ao tempo que nos explicavam o mecanismo desencadeante da crise financeira. Neste centramo-nos mais nos aspectos estruturais desta crise da mão de Arcadi Oliveres, catedrático de economia da Universitat de Barcelona, co-fundador de ATTAC Catalunya e presidente de Justícia i Pau. O que segue é um extracto dumha refrescante entrevista que publicava o passado mes de outubro Tempos Novos (na ediçom papel: nom a procurem na digital), num número centrado no tema “Bases para umha economia solidária”.

Por “economia” adoitamos entender desigualdade ou intempérie social. É umha palavra que nos pom medo e ademais, é o seu campo de saber. Pensa ainda nela em tanto que “oportunidade”?

Nisto som, se queres, conservador, porque lhe dou o conceito exacto que me explicárom o primeiro dia de faculdade. A economia é aquela ciência que tenta administrar os recursos escasos que nos subministra a natureza para transformá-los, e logo da sua conservaçom, obterem-se bens e serviços que permitam satisfazer necessidades primárias. Parece-me umha definiçom perfecta. Humanista, mesmo. Porém, ao que imos à segunda parte, damos com que o 75% da humanidade nom tem cubertas essas necessidades básicas. E quando surgem, como agora, momentos de crise, quando nos dim que a economia está em crise... a economia está em crise sempre, porque a sua missom nom se cumpre no 75% da povoaçom. Que agora se converta num 80% será um pequeno aumento, nunca um problema mais grave que o anterior.

A crise é permanente?

Muitas persoas dim-che, “olha, é que estamos numha situaçom tam grave que isto vai estoupar”. Estoupar? Estoupa diariamente! Federico Mayor Zaragoza, que passou tempo em Paris, na UNESCO, e que maneja dados fiáveis, repite em todos os seus discursos o mesmo: 60.000 mortos por fame cada dia. Um planeta que mata 60.000 persoas cada dia, que tem excedentes alimentários e que os estraga, está estoupando decote. Nom cómpre agardar a que venha a crise. Acontece só que seremos 75.000 e alguns deles do norte, que som, claro, os que mais doem...

A hegemonia do capital financeiro sobre o industrial, quando começa e com que conseqüências?

Coido que o poder está mais repartido. Em Catalunya falamos do tripartito e a nível mundial hai umha tripartiçom do poder, diria que entre o capital financeiro, o industrial e os médios de comunicaçom. Amais andam os três mesturados em muitas ocasiões. O senhor da empresa farmacéutica dispom de poder mediático, porque está no conselho de administraçom da CNN, do Washington Post ou do que for. E afortunadamente, os três poderes rifam entre si; de estarem de acordo, seria terrível. Às vezes, que sei eu, à General Motors quiçais nom lhe preste a especulaçom de George Soros com a libra esterlina, nem a este, os médios quando prognosticam que a libra vai ir mal. Aqui hai umha pequena mestura que gera discrepâncias. Mália que à fim vam unidos, sem dúvida.

CONTINUAR LENDO...

A especulaçom, no canto da planificaçom, é o paradigma das actuais operações econômicas?

Se cadra porque o capitalismo sacralizou o lucro. A base é o benefício e com isso desactivamos a idea de economia à que me referia antes. Temos economia para obter o máximo benefício, ou se me apuras, o máximo de soldo, de interesses bancários ou de patrimônio.

No entanto, durante a revoluçom industrial, na que tamém regia a acumulaçom de capitais, a especulaçom nom era tam medular.

Porque agora hai um processo básico na especulaçom, que é a informaçom. Agora hai um senhor que merca acções pola manhã em Madrid e as vende pola tarde em New York, com capacidade de informaçom para saber quanto cotizam ali a essas horas. Antes teria que manter umha conversa telefônica que seguramente se interromperia várias vezes... a informaçom é básica para a toma de decisões especulativas. E outra cousa que influiu foi a liberdade de movimento dos capitais. Podes sacar os teus cartos de Madrid para mercares acções em Londres ou New York, mentres que antano, apenas se sacavas dez mil pesetas, pilhava-te a Guarda Civil.

A crise que se nos conta, é resultado da especulaçom ou umha nova ocasiom para especular, ou ambas cousas?

A crise é connatural ao capitalismo. Hai pensadores econômicos que falárom de ciclos: Kondratieff, etc. Agora, eu diria que esta crise nom tem tanto um carácter financeiro, que seria ao emu ver conjuntural, coma alimentário e energético, que som motivos estruturais. Assi como a financeira sobe e baixa, em troques estas duas tenhem difícil soluçom. A crise de recursos nom tem resposta de nom mudar-mos as nossas fórmulas de consumo. A povoaçom aumenta quantitativa e qualitativamente; em número e porque exige cadora um maior abano de bens. Com todos os meus respeitos para os senhores da Índia ou da China, que tenhem igual direito de consumir que Occidente.

Ou igual de pouco.

Ou igual de pouco. O caso é que eles aumentam o consumo mentres que, ao tempo, os recurso diminuem. A auga é limitada e hai cousa dum ou dous anos que superamos o máximo de explotaçom petrolífera; estamos já na curva descendente. Polo tanto, a menos recurso e mais necessidade deles, ou resolvemos nós ou nom hai rem que fazer. Isto é estrutural. E a crise de alimentos assemelharia-se-lhe muito. Atopamo-nos com umha necessidade de alimentos cada vez maior, e qualitativamente distinta, porque antes em Ásia tomavam arroz e agora tomam carne, que precisa dumha produçom de cereais importante. Se lhe engadimos os agrocombustíveis –é dizer, alimentar o carro e nom a persoa- e outras variáveis, coma as malas colheitas em Austrália e noutros países e finalmente a especulaçom alimentária... temos o esquema feito.

O relevo que se predica para o petróleo nom só seria, de volta, a energia nuclear, senom tamém as renováveis. Vendidas como a panacea, a única soluçom certa devia ser um consumo decrecente?

Completamente de acordo. E coido que vai chegar, que faremos da necessidade virtude, como di o refraneiro castelám, e que quando nom podamos beber auga contaminada nem comer porcalhadas nem respirar o ar, daquela daremos em mudar os nosso hábitos. Mais, polo de agora, ficamos neste nível e procuramos falsas soluções. A das energias renováveis ainda nom seria mui falsa, porque é certo que o som, o sol é inesgotável, durará um milhom de anos, tempo dabondo. E o vento tamém. Quais som as mais falsas soluções? A nuclear e os agrocombustíveis. A gente parece nom lembrar que nom hai muito, 22 anos, sucedeu a catástrofe de Chernóbil, onde morrérom 300.000 persoas. Isto nom se pode admitir.

À marge do que poida propor um ministro de economia ou o FMI, haveria espaços para umha criaçom econômica social? Como gorecer-nos das intempéries criadas polo Capital?

Primeiro, sendo conscientes do que se agacha detrás del. A mensage é clara: privatizaçom do benefício e socializaçom das perdas. Se a empresa vai bem, todo para mim, e se vai mal já ajudará papá Estado. Funciona todo assi. Respostas? Decrecemento. E dumha maneira criativa, haveria que gerar pequenos espaços transformadores. Podemos construir umha banca ética? Fagamo-lo. Utilizar umha Taxa Tobin para frearmos a especulaçom financeira? Utilizemo-la. A mi, que por velho me gustaria que todo cambiasse de contado, mais que já vejo que nom o fai, aplico-me o que dim em chamar a teoria do creba-cabeças. Quando eramos cativos, davam-nos umha caixa rectangular com 6 peças por 4, em total 24 cubos, que havia que ir movendo até resolver umha nova image. Isto é o que eu quigera. Ir movendo fichas para que, com o tempo, se nos apareça umha nova image. Porque sempre foi assi. O capitalismo nom sai do armário às doze da noite e remata o feudalismo. Nom, os aristócratas vam perdendo poder e o capital comercial da burguesia vai ocupando o seu espaço. Logo fai-se industrial e despois financeiro. Por que nom podemos nós ir mudando as cousas desta maneira, para que apareça um novo sistema, ou muitos novos, se assi o pide o contexto mundial?

Semelha mais difícil este objectivo, porque no trânsito do feudalismo ao capitalismo nom se eliminou a explotaçom do ser humano.

Si, mais hai umha diferença mui importante, que é a tecnologia. Do feudalismo ao capitalismo, se um ano havia seca ou umha mala colheita, nom se comia. Agora, se todo isto ocorre, temos tamém progressos técnicos, sistemas de transporte, alertas comunicativas, para se cubrirem as necessidades.

“Economia solidária” seria um oxímoro. Afirma-se numha série de princípios sociais, mais nom acaba de romper com o esquema capitalista de haverem produtores e consumidores, senom que o reproduz.

Falavas antes de modelos criativos. Que nos intres de crise sempre houvo invençom econômica demostra-o a história. Quando Argentina ia mal, por caso, figeram potas populares; os piqueteiros ocupavam fábricas fechadas e volvia-nas ponher em pé. Esta imaginaçom existe e devemos aproveitá-la. Confio muito na tecnologia para fazer do sistema algo muito mais razoável.

A tecnologia permitiria a aboliçom do trabalho?

Adoito matinar na diminuiçom da jornada laboral. Sempre lho digo ao alunado, cada ano, e cada ano se me rim. Digo-lhes, o dia que vos jubiledes, havedes trabalhar quatro horas ao dia. E tenhem o mesmo direito a se rirem que aquel senhor ao que lhe dixesem, no s. XVIII, que trabalharia oito horas e nom dezaseis. Que podem ser de oito a quatro? Pois si. Que isso nos conduzirá ad infinitum ao trabalho zero? Quiçais. Nom o creo, porque a reduçom das jornadas gerará mais ócio, que tamém precisa de tempo de trabalho para se soster.

Porque o ócio, ainda que a invisibilize, require força de trabalho.

Esse é outro tema que deveriamos começar a tratar. É que hai muitos trabalhos, até o momento nom remunerados, que cumpria pagar ao 100%. A começarmos polo da mulher no fogar. Antano num hospital atopavas monjas por ofício e sem cobrarem um peso, e agora enfermeiras, supom-se que com umha nómina mensual.

As grandes multinacionais apropriárom-se do “comércio justo”. Nestlé ou Starbucks oferecem-lhes aos clientes a possibilidade de adquirirem produtos desta caste.

O capitalismo é umha turbamulta. Fijo-o tamém com o mercado ecológico. Absorbe-o todo. E isto, no mundo do comércio justo, está a ser um debate importante. Se no Caprabo ou no Carrefour ham de ter ou nom um andel para venderem os seus produtos. Ainda nom hai consenso ao respeito.

A separaçom entre capital e trabalho é outra receita econômica à que opormo-nos?

Nos meus tempos de faculdade, um excelente professor, que ainda vive, explicou-me que umha empresa é a conjunçom de interesses entre uns que achegam capital e outros que achegam força de trabalho. E que entre ambos transformam um produto num bem. Que aconteceu? Que com o passo do tempo, a idea de empresa foi-se incorporando mais à de capital e menos à de trabalho. Os periódicos catalães dim às vezes: “A Seat irá à República Checa”. Pois nom. O capital da Seat irá à República Checa. Porque até onde eu sei, os trabalhadores quedam em Martorell! Perdes a noçom de que quem fai a Seat som 8.000 persoas em Martorell. A maneira de evitarmos isso? A cooperativa.

A simple fórmula da cooperativa asseguraria um equilíbrio social entre as duas partes?

Som admirador do que aconteceu em Mondragon. Em 1983, hai já vinte e cinco anos, visitei a cooperativa em Euskadi. Agora a situaçom é mui distinta, mais naquela altura tinham, basicamente, instalações industriais. Faziam cozinhas Fagor e empregavam 35.000 persoas. Contaram-me que aquel número, ao estarem numha época de crise, nom o podiam manter. E a sua conclusom fora reduzir 5.000 postos. Apresentaram a proposta na assembleia de trabalhadores e esta respondeu que nom; vocês nom despidem a ninguém, dixeram, se sobra o 15% do quadro é tanto como que sobra o 15% da massa salarial. Daquela quitaram-se os 35.000 essa parte de soldo e ninguém foi à rua. Isso é a cooperativa. É fundamental unificar capital e trabalho. Agora Mondragon som 110.000 persoas, porque medrárom com os supermercados Eroski, com a Caixa Laboral Popular, tenhem companhia de seguros...

Seguramente os Eroski nom sejam um modelo de justiça laboral...

Nom, seguro que nom. E tenhem umha pega, que nom todos os trabalhadores tenhem a condiçom de cooperativistas. Mália que ao falares com Mondragon, dim-che que vam “em caminho de”. Nom é o melhor exemplo mais, ser como for, prefiro mercar no Eroski que noutras superfícies comerciais. Quando menos, com todo o que se queira, hai um mínimo de comportamento aceitável.